كدة إنت تمام، مبروك عليك الدراع إشتغل وإن شاء الله مش هتواجه أي مشاكل معاه

ملحوظات وتعليمات مهمة

دي الإعدادات الافتراضية اللي احنا عاملينها للدراع:

لو صابعك لامس التاتش باد (لمس مش ضغط)، الماوس هيتحرك لما تحرك الدراع.

ضغطة على التاتش باد من ناحية اليمين = ضغطة ماوس كليك شمال.

ضغطة على الناحية الشمال من التاتش باد مع وضع صابعين معاً = ضغطة ماوس كليك يمين.

ضغطة على التاتش باد من فوق = ضغطة على الـ Mouse Wheel.

ضغطة على الناحية اليمين من التاتش باد مع وضع صابعين معاً = Pause.

سحبة لفوق على التاتش باد = علّى الصوت.

سحبة لتحت على التاتش باد = وطي الصوت.

سحبة يمين على التاتش باد = Next.

سحبة شمال على التاتش باد = Previous.

زرار PS مع زرار Options = اطفي الدراع.

والباقي افتراضي زي أي دراع تاني.

• عشان تشغل الدراع تاني دوس على زرار PS بس وهو هيتوصل، إلا لو شيلت قطعة الـ USB Bluetooth من الجهاز هتحتاج تعمل خطوات الـ Pairing تاني.
• لو الدراع وصل 30% هتلاقيه بيعمل فلاش أحمر، وصله بالشاحن حفاظاً على البطارية.
•  لو مدوستش على أي حاجة الدراع بيفصل لوحده بعد 5 دقايق من عدم النشاط.
• الدراع مش هيفصل لو هو في الشاحن ولا حتى هيرضي يطفي.
• متشحنش الدراع من نفس الجهاز اللي انت موصل فيه البلوتوث عشان ميحصلش تعارض.
• لو أي لعبة ظهر فيها دراع PS4 ودراع إكسبوكس مع بعض، راجع الخطوة 13، شيل العلامة وحطها تاني.
• لو معندكش بلوتوث تقدر توصل الدراع بسلك Micro USB-B بس متوصلش بلوتوث وسلك مع بعض عشان ميحصلش تعارض.
• مدخل السماعة في الدراع بيشتغل وانت موصله سلك بس، مش بيشتغل مع البلوتوث.
• الدراع ممكن يكون فيه مشاكل مع آخر إصدار من DS4Windows، فحمله من اللينك المتوفر فوق.
• لو وصلت الدراع بجهاز تاني ورجعت لجهازك ممكن ميرضاش يتوصل، اعمل remove device من البلوتوث واعمل عملية الـ pairing من تاني.
• لو انت شاري الدراع من عندنا وواجهت أي مشاكل تقدر تتواصل معانا على فيس بوك.